Tuesday, September 05, 2006

എന്റെ മനസ്സിലും ഓണമുണ്ട്

എന്റെ മനസ്സിലുമോണമുണ്ട്
പത്തു നാളോണക്കുളിരതുണ്ട്
തുമ്പ മലരിന്‍ സുകൃതമുണ്ട്
തൂമലര്‍ക്കാടിന്‍ സുഗന്ധമുണ്ട്

എന്‍ മിഴിക്കൂട്ടിലുമോണമുണ്ട്
പുത്തന്‍ പുടവക്കനവതുണ്ട്
തൃക്കാക്കരപ്പനു വെച്ചതുണ്ട്
കൊയ്തിട്ട നെല്ലിന്‍ നിറവുമുണ്ട്

എന്‍ കാതിലാര്‍പ്പു വിളികളുണ്ട്
പൂവേ പൊലി പൊലി കേള്‍പ്പതുണ്ട്
കുമ്മാട്ടി പാടിയരികിലുണ്ട്
കൈകൊട്ടിപ്പാട്ടിന്റെ ശീലതുണ്ട്

എന്‍ നാവിലോണ രുചിയുമുണ്ട്
നേദിച്ച പൂവടച്ചൂടതുണ്ട്
നേന്ത്രപ്പഴത്തിന്‍ മധുരമുണ്ട്
നാലായ് വറുത്ത കായ് സ്വാദുമുണ്ട്

എന്റെ മനസ്സിലുമോണമുണ്ട്
സ്നേഹം വിളമ്പിയൊരോര്‍മയുണ്ട്
അത്തം കറുത്തതിന്‍ നോവതുണ്ട്
ഓണമകന്നതിന്‍ തേങ്ങലുണ്ട്

Labels:

12 Comments:

Blogger വല്യമ്മായി said...

മധുരിക്കുന്ന ഓര്‍മ്മകളെല്ലേ കൈപ്പേറിയ ഇന്നിന്‍റെ അനുഭവങ്ങളേക്കാള്‍ നന്ന്.നല്ല വരികള്‍

September 05, 2006 9:19 PM  
Anonymous Anonymous said...

KALAKI

September 05, 2006 10:31 PM  
Anonymous deepu said...

nannayi,,

September 05, 2006 10:33 PM  
Blogger കൈത്തിരി said...

നല്ല വരികള്‍ ഇന്ദു... അവസാന വരികള്‍ നന്നേ ഇഷ്ടമായി.... ഓണാശംസകള്‍

September 05, 2006 11:04 PM  
Blogger ശാലിനി said...

“ഓണമകന്നതിന്‍ തേങ്ങലുണ്ട്“
ഒരു പ്രത്യേകതയുമില്ലാതെ ഓണമകന്നുപോയതോര്‍ത്തു വിഷമിച്ചിരുന്നപ്പൊഴാണിത് വായിച്ചത്. നന്നായിരിക്കുന്നു. ഇനിയുമെഴുതണം.

September 05, 2006 11:47 PM  
Blogger ദില്‍ബാസുരന്‍ said...

വളരെ നന്നായിരിക്കുന്നു.

ഇനി തേങ്ങള്‍ ബാക്കി നില്‍ക്കും കുറച്ച് നാളുകള്‍ക്ക്.

September 05, 2006 11:53 PM  
Blogger ഇത്തിരിവെട്ടം|Ithiri said...

അകന്ന ഓണവും അതുസമ്മാനിച്ച തേങ്ങലും മറ്റൊരോണത്തിന്റെ പ്രതീക്ഷകൂടിയല്ലേ..
ഇനി ഒത്തിരി നല്ലസ്വപ്നങ്ങളും ഒരുപാട് പ്രതീക്ഷയും തന്ന് വിടചൊല്ലട്ടേ ഈ ഓണം..

വാചാലമായ മൌനമേ.. നന്നായിട്ടുണ്ട്.

September 06, 2006 12:02 AM  
Blogger ബിന്ദു said...

എന്റെ മനസ്സിലും ഓണമുണ്ട്, ഓണപ്പൂവിളി ഉണ്ട്, ഓണപൂക്കളമുണ്ട്, ഓണസദ്യയുമുണ്ട്. :) ഓണം എങ്ങനെ ഉണ്ടായിരുന്നു?

qw_er_ty

September 06, 2006 2:32 PM  
Blogger ഇന്ദു | Indu said...

വല്യമ്മായി, ദീപു, കൈത്തിരി, ശാലിനി,ദിലീപ്, ഇത്തിരിവെട്ടം, ബിന്ദു,
നന്ദി! എല്ലാവര്‍ക്കും ഓണം നന്നായിരുന്നല്ലോ,ല്ലേ?

ഇത്തവണ ഇവിടെ ഓണം മനസ്സിലേ ഉണ്ടായിരുന്നുള്ളൂ. ഒരു സദ്യ പോലും വെച്ചില്ല.

qw_er_ty

September 07, 2006 5:13 AM  
Blogger Jo said...

Hi Indu,

Can I use tihs lyrics to tune it and compose? Please let me know.

September 24, 2006 1:13 AM  
Blogger ഇന്ദു | Indu said...

sure.. Jo, Please go ahead.

September 24, 2006 8:31 AM  
Blogger don said...

HAI CHECHI GOOD LYRICS!!!!!!!!!!!

October 11, 2007 8:13 PM  

Post a Comment

Links to this post:

Create a Link

<< Home