ബ്ലോഗ്‌സ്വര ആല്‍ബം 4 - Released!

Blogswara has released its 4th album!
Please check out the songs at http://www.blogswara.in/

കെടാവിളക്കാവുക!

നീറും പകലിനൊടുവില്‍ നനുനനെ
ചാറും മഴക്കിനാവൊന്നു നനയ്ക്കിലും
നീറ്റലടങ്ങാത്ത നോവിന്‍ കനലുകള്‍
നിന്‍ മിഴിക്കോണിതില്‍ നൊന്തു പിടഞ്ഞുവോ?

കണ്ണുനീര്‍‌ത്തുള്ളിയൊന്നിറ്റേണ്ട താമസം
കണ്ണീര്‍‌പ്പെരുമഴ കോരിച്ചൊരിച്ചിലായ്
നോവിന്റെ നൊമ്പരമെത്രയൊഴുകിലും
തീരാതെ വീണ്ടും ഉറവ ചുരത്തിടും.

കണ്ണീര്‍ തുടച്ചുകൊണ്ടുള്‍ക്കരുത്തേറ്റുക
മണ്ണില്‍ നിറഞ്ഞുള്ള നന്മയെത്താങ്ങുക
അഴലിന്നൊഴുക്കില്‍ തളര്‍ന്നു വീഴാതെ നീ,
ഉഴലുന്ന ജീവനിന്നേറെയെന്നോര്‍ക്കുക

നിറകണ്ണടച്ചൊന്നു പുഞ്ചിരിച്ചീടുകില്‍
നിറനിലാവൊളി ചാര്‍ത്തിയിങ്ങു പരന്നിടും
ദു:ഖങ്ങളുള്ളില്‍ തിരിക്കെണ്ണയാക്കി നീ
ഇന്നീയിരുട്ടില്‍ കെടാവിളക്കാവുക! *

* സുഗതകുമാരി ടീച്ചറുടെ വരികള്‍:
കണ്ണീരാല്‍ തിരി നനയ്ക്കാം
തിരി നീട്ടാന്‍ വിരല്‍ കരിയ്ക്കാം
നിന്നുള്ളിന്‍ മണി വിളക്കിന്‍
പൊന്‍‌നാളം കെടാതെ കാക്കാം

ബ്ലോഗ്‌സ്വര ആല്‍ബം 3

പുതിയ ഈണങ്ങളും സ്വരങ്ങളുമായി ബ്ലോഗ്‌സ്വര മൂന്നാമത്തെ ആല്‍ബം റിലീസ് ചെയ്തു.

ഇത്തവണ മലയാളത്തില്‍ നിന്ന് സാരംഗിയുടെ രണ്ട് മനോഹര ഗാനങ്ങളുണ്ട്.

ആശംസകള്‍!

എഴുതിയിട്ടത്...

ഇതെന്റെ മൌനത്തിനാഴങ്ങളില്‍ നിന്നും
ചിതറി വീഴും പൊരുളില്ലാ വാക്കുകള്‍
ഇതെന്റെ പാദങ്ങളെങ്ങോ കളഞ്ഞിട്ട
കൊലുസു കൊഞ്ചിക്കിലുങ്ങിപ്പറഞ്ഞത്...

തീമഴ വരുന്നു!

കാര്‍മേഘം മാനത്തു കണ്ട നേരം
പീലിത്തഴ വിരിച്ചാടുകയോ
നീലക്കണ്‍ മെല്ലെ തുറക്കുകയോ
നീയെന്തേ, നീയെന്തേ പൊന്‍‌മയിലേ?

പൊന്‍‌മഴ പെയ്യുവാ‍ന്‍ നേരമായോ
പൂഴി കുളിര്‍ക്കും സമയമായോ?
ആയിരം കണ്ണു വിടര്‍ന്നു പിന്നില്‍
ആടുവാനെന്തിത്രയാശാവേശം?

നീയറിഞ്ഞില്ല മനുഷ്യനുള്ളില്‍
നീറുമധികാര ദുര്‍‌മോഹങ്ങള്‍
തീരങ്ങളായൊരു തീരമെല്ലാം
തീമഴ പെയ്യുന്ന ദുര്‍‌മ്മേഘങ്ങള്‍!

അഗ്നിമഴയൊന്നു പെയ്തുപോയാല്‍
കത്തിക്കരിഞ്ഞുപോം ഞാനും നീയും
കഷ്ടം! മനുഷ്യനീ ഭൂമിയെത്തന്‍
പട്ടടയാക്കുന്നു ബോധശൂന്യന്‍!

(1990-ല്‍ സൌഹൃദം മാസികയില്‍ പ്രസിദ്ധീകരിച്ചത്)

ഉജ്ജ്വലനിമിഷം

ചുറ്റുമിരുട്ടു നിറയുന്നുവെങ്കിലും
ചിത്തത്തിനുള്ളില്‍ പ്രകാശമാണെപ്പൊഴും
എന്നുമേയന്യര്‍ക്കു നേര്‍വഴി കാട്ടുവാന്‍
എന്നും പതറാതെ മുന്നോട്ടു നീങ്ങുവാന്‍
വെട്ടം പരത്തി വിളങ്ങും മഹാപ്രഭോ
വെക്കമീയെന്നില്‍ നിറയ്ക്കൂ മഹാബലം!

അര്‍ക്കനെയിപ്പോള്‍ മറയ്ക്കുന്നു കാറുകള്‍
അദ്രിയില്‍ ചുറ്റിത്തിരിവൂ ചുഴലികള്‍
അമ്മറ കീറിക്കടന്നു മുന്നേറുവാന്‍
എന്‍ മനസ്സിന്റെ ചിറകുകള്‍ക്കാകുമോ?
എന്തിതെന്‍ ചുണ്ടില്‍ ചുരന്നു വന്നെത്തിയ
ശാന്തിമന്ത്രത്തിനും തീ പിടിക്കുന്നുവോ!

(1991-ല്‍ എക്സ്പ്രസ്സ് പത്രത്തില്‍ പ്രസിദ്ധീകരിച്ചത്)

ബ്ലോഗ്‌സ്വര ആല്‍ബം-2 റിലീസ് ചെയ്തു!

ബ്ലോഗ്‌സ്വര ആല്‍ബം -2 റിലീസ് ആയിട്ടുണ്ട്.
കേട്ട് അഭിപ്രായങ്ങള്‍ ടീമിനെ അറിയിക്കുമല്ലോ.
http://www.blogswara.in