Friday, September 01, 2006

പൂരപ്പൊലിമ

ആനകളൊമ്പത്, കാവടിയമ്പത്,
ആലത്തൂര്‍ക്കാവിലെ പൂരം വന്നേ!

ആനപ്പറ നിറച്ചായിരം വീട്ടിലും
ആനക്കുറുമ്പന്‍ കുണുങ്ങി നിന്നേ!

മാരിവില്‍ വര്‍ണ്ണങ്ങളേഴും നിറയുന്ന
കുപ്പിവളകള്‍ നിരക്കെയുണ്ടേ!

കാവടിക്കൊപ്പമായ്, താളം ചവുട്ടി നി-
ന്നാടിത്തിമര്‍ക്കുവാന്‍ ഞങ്ങളുണ്ടേ!

ആട്ടം കഴിഞ്ഞതും കൂട്ടം പിരിഞ്ഞുപോയ്
വട്ടം തികഞ്ഞൊരു സദ്യയുണ്ടേ!

കൂത്തമ്പലത്തില്‍ കഥകളിയാടവേ
കൂട്ടരും ഞാനുമുറങ്ങിയെന്നേ!

പൂരം കഴിഞ്ഞുവോ, പോവല്ലേ കൂട്ടരേ,
പൂക്കോട്ടെയുത്സവം നാളെയല്ലേ?

Labels: