തൂലികാ നാമം

ഓരോ കവിതയും ഒരു തരം തുറന്നു കാട്ടലാണ്‌.
മനസ്സിന്റെ ഒരു കോണ്‌,
അല്ലെങ്കില്‍ ചിന്തയുടെ ഒരു പാതി.

സ്വത്വം മൂടിപ്പുതച്ചാണ്‌ ശീലം.
കവിതയിലൂടെയെങ്കിലും
ഈ തുറന്നു പറച്ചിലുകള്‍ അലോസരപ്പെടുത്തും.

നെറ്റിയില്‍ മറ്റൊരു പേരൊട്ടിച്ചാല്‍
കണ്ണുമടച്ച് പൂച്ച പാലു കുടിക്കും പോലെ
പറയാനുള്ളതൊക്കെ പറയാം,
എഴുതാനുള്ളതൊക്കെ എഴുതാം.

ഞാന്‍ നിന്നെ കാണുന്നില്ല,
നീ എന്നേയും കാണുന്നില്ലല്ലോ, അല്ലേ?