ആരോ?

ഒരു മഴയായി സ്നേഹം പൊഴിയുന്നതാരോ 

കാറ്റായി വന്നെന്നെ പുൽകുന്നതാരോ 

അഴലിന്റെ വേനലിൽ എരിയുന്ന നേരം 

അലിവായി നനവായി വന്നതിന്നാരോ 

ഒരു തൂവലെന്നെ തഴുകുന്ന പോലെ 

നിറനിലാവെന്നിൽ ചൊരിയുന്ന പോലെ  

അരികിൽ വരാതെന്റെ നിനവിൽ നിറഞ്ഞതോ 

അറിവില്ലതൊന്നും ഞാൻ അറിയാത്തതെന്തേ?

കവിത

പറയാതെയുള്ളിലലിഞ്ഞുള്ള   വാക്കുകള്‍
അറിയാതുറഞ്ഞൊരു കവിതയായ് പൊഴിയവേ
അതിനേതൊരീണം പകരും ഞാന്‍,‍ പറയുക
എന്നുമെന്‍ ഹൃദയം പാടാന്‍ കൊതിച്ചൊരീണം!